ഇന്ത്യയുടെ മേരി കോമിന് ലോക ബോക്സിംഗ് ചാമ്പ്യന്‍ഷിപ്പിന്റെ ക്വാര്‍ട്ടറില്‍ പരാജയം. ഇതോടെ, ലണ്ടന്‍ ഒളിമ്പിക്സില് മേരിക്ക് യോഗ്യത നേടാനാവുമോ എന്നറിയാന്‍ ഇനിയും കാത്തിരിക്കണം.
ഇംഗ്ലണ്ടിന്റെ നിക്കോള ആഡംസാണ് മേരി കോമിനെ പരാജയപ്പെടുത്തിയത്. 11-13 ന് ആയിരുന്നു മേരി പരാജയപ്പെട്ടത്. സെമിഫൈനലില്‍ കടന്നാല്‍ ഒളിമ്പിക്സ് യോഗ്യത നേടാനാവുമായിരുന്നു. ഇനി നിക്കോള ആഡംസ് സെമിഫൈനലില്‍ വിജയിച്ചാല്‍ മേരി കോമിന് ഒളിമ്പിക്സില് പങ്കെടുക്കാം.
മേരി അഞ്ച് അഞ്ചുവട്ടം ലോകചാമ്പ്യനായിട്ടുണ്ട്. 2001-ല്‍ ആരംഭിച്ച ലോകചാമ്പ്യന്‍ഷിപ്പില്‍ ഇതേവരെ നടന്ന അഞ്ചെണ്ണത്തിലും മേരി ജേത്രിയായിരുന്നു. 2001-ല്‍ വെള്ളിമെഡലും നേടി. ആദ്യമായാണ് മെഡലില്ലാതെ ഇന്ത്യന്‍താരം ലോകവേദിയില്‍നിന്ന് മടങ്ങുന്നത്.