ബാഴ്‌സയ്ക്ക് രണ്ടുചുവടുവെച്ചാല്‍ കിരീടം ചൂടാം

PRO

PRO

സ്പാനിഷ് ലീഗ് കിരീടം തിരിച്ചുപിടിക്കാന്‍ ബാഴ്‌സലോണയ്ക്ക് ഇനി വേണ്ടത് ആറു പോയന്റ് മാത്രം. കിരീടത്തിലേക്കുള്ള ദൂരം രണ്ടു ജയം മാത്രമാക്കി കുറച്ച് ബാഴ്‌സലോണയ്ക്കും എതിരാളികളായ റയല്‍മാഡ്രിഡിനും ലീഗ് മത്സരങ്ങളില്‍ ജയം.

ബാഴ്‌സ ലെവന്റെയെയും (1-0) റയല്‍ മാഡ്രിഡ് റയല്‍ ബെറ്റിസിനെയു (3-1)മാണ് കീഴടക്കിയത്. ലീഗില്‍ മുമ്പന്മാരായ ബാഴ്‌സലോണ 32 കളികളില്‍നിന്നും 84 പോയന്റുമായാണ് കിരീടത്തിലേക്ക് കുതിക്കുന്നത്. മെസ്സിയുടെ ടീമിന് ഇനി ആറുപോയന്റുകൂടി ലഭിച്ചാല്‍ കിരീടത്തില്‍ മുത്തമിടാം. ബാഴ്‌സയേക്കാള്‍ 13 പോയന്റ് കുറവുള്ള റയലിന് 32 കളികളില്‍നിന്നും 71 പോയന്റുണ്ട്. ലീഗില്‍ ഇനി ആറുമത്സരങ്ങളാണ് ബാക്കിയുള്ളത്.