ടെസ്‌റ്റില്‍ ഏറ്റവും കൂടുതല്‍ ജയം നേടിയ ഇന്ത്യന്‍ നായകനെന്ന റെക്കോര്ഡ് ധോണിക്കു സ്വന്തം. ഓസ്‌ട്രേലിയയ്‌ക്കെതിരായ രണ്ടാം ടെസ്‌റ്റില്‍ ഇന്നിംഗ്‌സ്‌ ജയം നേടിയതോടെയാണു റെക്കോര്ഡ് ധോണിയുടെ െകെപ്പിടിയിലായത്‌. അതോടൊപ്പം ഒന്നാം ഇന്നിംഗ്‌സ്‌ ഡിക്ലയര്‍ ചെയ്‌ത ശേഷം ഇന്നിംഗ്‌സ്‌ തോല്‍വി ഏറ്റുവാങ്ങുന്ന ആദ്യ ടീമെന്ന ബഹുമതിയാണ്‌ ഓസീസ്‌ താരങ്ങള്‍ നേടിയത്‌.
ഒന്നാം ഇന്നിംഗ്‌സ്‌ അപ്രതീക്ഷിതമായി ഡിക്ലയര്‍ ചെയ്‌ത്‌ അമ്പരപ്പിച്ച നായകന്‍ മൈക്കിള്‍ ക്ലാര്‍ക്കായിരുന്നു കൂടുതല്‍ വിമര്‍ശനം ഏറ്റുവാങ്ങിയത്‌. ഓസ്ട്രേലിയന്‍ മാധ്യമങ്ങള്‍ ഓസ്ട്രേലിയന്‍ ടീമിന്റെ അന്ത്യമെന്നാണ് ഈ പരാജയത്തെ വിശേഷിപ്പിച്ചത്.
2007 ലെ പ്രഥമ ട്വന്റി20 ലോകകപ്പും 2011 ലെ ഏകദിന ലോകകപ്പും ഉള്‍പ്പടെ രണ്ട്‌ ലോകകപ്പുകള്‍ നേടിയ നായകനെന്ന റെക്കോര്‍ഡും ധോണിക്കു സ്വന്തമാണ്‌. 14 ടെസ്‌റ്റുകള്‍ ജയിച്ച മുഹമ്മദ്‌ അസ്‌ഹറുദ്ദീനാണ്‌ നായകന്‍മാരില്‍ മൂന്നാമത്‌.
