ജയവീണയുടെ നീന്തല്‍ നേട്ടത്തില്‍ അഭിമാനം കൊണ്ട് തലൈവാസല്‍ വിജയ്
വെള്ളി, 22 നവം‌ബര്‍ 2013 (18:57 IST)
PRO
മകളുടെ സ്വര്‍ണനേട്ടത്തില്‍ അഭിമാനിച്ച് തമിഴ്നടന്‍ തലൈവാസല്‍ വിജയ്. മകള്‍ എ വി ജയവീണയ്ക്ക് പിരപ്പന്‍കോട് അന്താരാഷ്ട്ര നീന്തല്‍ക്കുളത്തില്‍ നടക്കുന്ന ദേശീയ നീന്തല്‍മത്സരത്തില്‍ 50 മീറ്റര്‍ ബ്രസ്റ്റ് സ്ട്രോക്കില്‍ സ്വര്‍ണനേട്ടത്തോടെ വിജയിക്കാനായതിന്റെ സന്തോഷത്തിലാണ് ഈ അച്ഛന്‍.
ഹൈദരാബാദ് ജൂനിയര്‍ നാഷണല്‍ മീറ്റിന് മൂന്ന് സ്വര്‍ണവും രണ്ട് വെള്ളിയും വ്യക്തിഗത ചാമ്പ്യന്‍പട്ടവും നേടിയ, ചെന്നൈയില്‍ പത്താംക്ലാസ് വിദ്യാര്‍ഥിനിയായ ജയവീണ പിരപ്പന്‍കോട് അന്താരാഷ്ട്ര നീന്തല്‍ക്കുളത്തിലും വിജയം ആവര്‍ത്തിക്കുകയായിരുന്നു.
