പൂയം നക്ഷത്രക്കാര്‍ക്ക്‌ ഈ വര്‍ഷം പൊതുവേ മെച്ചമാണ്‌. സെപ്‌തംബറില്‍ സാഹിത്യരംഗത്ത്‌ പ്രവര്‍ത്തിക്കുന്നവര്‍ക്ക്‌ അനുകൂല സമയം. ഒക്‌ടോബറില്‍ വിദ്യാഭ്യാസപരമായ നേട്ടം കൈവരിക്കും. നവംബറില്‍ ലോണുകള്‍ തുടങ്ങിയവ വഴി ധനാഗമനം ധാരാളമുണ്ടാകും. ഡിസംബറില്‍ കടങ്ങള്‍ വീട്ടും.
പൂയം നക്ഷത്രത്തില്‍ ജനിച്ചവര്‍ മതനിഷ്ടയും ഗുരുഭക്തിയുമുള്ളവരാണ്‌. ദൈവീക കാര്യത്തില്‍ ശ്രദ്ധയും ഭക്തിയും ഉണ്ടാകും. ഇവര്‍ കൂടുംബ സ്‌നേഹികളുമാണ്‌. ക്ഷിപ്രകോപികളാണെങ്കിലും അതേപോലെ ശാന്തരാവുകയും ചെയ്യും. മിതവ്യയവും സൂക്ഷ്‌മതയും ആത്മവിശ്വാസവും മൂലം ഉന്നതങ്ങളില്‍ എത്തുന്നു. ഭക്ഷണ പ്രിയരുമാണ്.
സ്വന്തം കാര്യലാഭത്തിനു വേണ്ടി ആരെയും വശത്താക്കും നന്ദികെട്ടവരെന്നും ആത്മാര്‍ത്ഥതയില്ലാത്ത വരെന്നുമുള്ള അപവാദത്തിന്‌ ഇരയാകാറുണ്ട്‌ . 32 വയസ്സുവരെ ഇവരുടെ ജീവിതം ഉലഞ്ഞുകൊണ്ടിരിക്കും. സ്വന്തം കുടുംബാംഗങ്ങളില്‍ നിന്നും അകന്നു കഴിയാനാണ്‌ സാദ്ധ്യത.
ഈ നക്ഷത്രത്തില്‍ പിറക്കുന്ന സ്ത്രീകളുടെ കാര്യത്തിലും മേല്‍പ്പറഞ്ഞകാര്യങ്ങള്‍ ബാധകമാണ്‌. ദാമ്പത്യജീവിതം പരാജയമായിരിക്കും.