ബലാത്സംഗത്തിനിരയായ യുവതിയെ സന്ദര്‍ശിക്കാനെത്തിയ വനിത കമ്മീഷന്‍ അംഗം അവരോടൊപ്പം സെല്‍ഫിയെടുക്കാനും മറന്നില്ല. പക്ഷേ, കമ്മീഷന്‍ അംഗത്തിന്റെ സെല്‍ഫി ഇപ്പോള്‍ വിവാദമായിരിക്കുകയാണ്. സംഭവത്തില്‍ കമ്മീഷന്‍ ചെയര്‍പേഴ്സണ്‍ സുമന്‍ ശര്‍മ്മ വിശദീകരണം ആവശ്യപ്പെട്ടു.
വടക്കന്‍ ജയ്‌പൂരിലെ വനിത പൊലീസ് സ്റ്റേഷനിലാണ് സംഭവം നടന്നത്. സ്ത്രീധനം കൊടുക്കാത്തതിന്റെ പേരില്‍ ഭര്‍ത്താവും വീട്ടുകാരും ചേര്‍ന്ന് യുവതിയെ ബലാത്സംഗം ചെയ്തിരുന്നു. കൂടാതെ, യുവതിയുടെ കൈയിലും ശരീരത്തിലും പച്ച കുത്തുകയും ചെയ്തിരുന്നു. സംഭവം കഴിഞ്ഞദിവസങ്ങളില്‍ വന്‍ വാര്‍ത്തയായ പശ്ചാത്തലത്തില്‍ യുവതിയെ കാണാനെത്തിയതായിരുന്നു വനിത കമ്മീഷന്‍ അംഗങ്ങള്‍.
