വിഴിഞ്ഞം തുറമുഖ പദ്ധതിയുമായി ബന്ധപ്പെട്ട ഹരിത ട്രൈബ്യൂണല്‍ ഉത്തരവിന് സുപ്രീംകോടതി സ്റ്റേ അനുവദിച്ചില്ല. ഉത്തരവിന് സ്റ്റേ വേണമെന്ന കേരളത്തിന്റെ ആവശ്യം കോടതി തള്ളി. സാമ്പത്തിക കാര്യങ്ങള്‍ പോലെ പരിസ്ഥിതി സംരക്ഷണവും പ്രധാനമാണെന്ന് കോടതി ചൂണ്ടിക്കാട്ടി. ഈ കാര്യത്തില്‍ കൂടുതല്‍ പരിശോധനകള്‍ ആവശ്യമാണെന്നും കോടതി വ്യക്തമാക്കി.
തുറമുഖ കമ്പനിയും സംസ്ഥാന സര്‍ക്കാരുമാണ് ഇത് സംബന്ധിച്ച് കോടതിയെ സമീപിച്ചത്. നിയമങ്ങള്‍ പുനഃപരിശോധിക്കാന്‍ ട്രിബ്യൂണലിന് അധികാരമില്ലെന്നും ചെന്നൈ ബഞ്ചിന്റെ പരിഗണനയിലുള്ള കേസ് ഡല്‍ഹിയിലേക്ക് മാറ്റാനാകില്ലെന്നുമാണ് ഹര്‍ജികളിലെ വാദം. ജസ്റ്റിസ് സ്വതന്ത്രകുമാര്‍ അധ്യക്ഷനായ ബഞ്ചാണ് ഇത് സംബന്ധിച്ച വാദം കേട്ടത്.
