പൗരത്വ ഭേദഗതി നിയമത്തിനെതിരെ നടന്ന പ്രതിഷേധങ്ങളിൽ കുറ്റക്കാർ എന്ന് കണ്ടെത്തുന്നവരുടെ സ്വത്തുക്കൾ കണ്ടുകെട്ടുമെന്ന നിലപടിൽ ഉറച്ച് യുപി സർക്കാർ. പിഴ ഈടക്കും എന്ന് അറിയിച്ച് സർക്കാർ അയച്ച നോട്ടീസിൽ വിശദീകരണം നൽകാൻ ഏഴ് ദിവസം സമയം അനുവദിക്കും. വിശദീകരണം തൃപ്തികരമല്ലാത്ത പക്ഷം സ്വത്തുക്കൾ കണ്ടുകെട്ടാനാണ് യുപി സർക്കാരിന്റെ തീരുമാനം.
സിസി‌ടിവി ദൃശ്യങ്ങളും, മാധ്യമങ്ങളിലൂടെയും സാമൂഹ്യ മാധ്യമങ്ങളിലൂടെയും പ്രചരിച്ച വീഡിയോകളുടെ ആടിസ്ഥാനത്തിലാണ് 498 പേരുടെ പട്ടിക യുപി പൊലീസ് തയ്യാറാക്കിയത്. ദേശീയ മനുഷ്യാവകാശ കമ്മീഷനടക്കം ഈ ദൃശ്യങ്ങൾ കൈമാറാനാണ് യുപി സർക്കാറിന്റെ തീരുമാനം. പ്രക്ഷോപങ്ങളിൽ പൊതുമുതൽ നശിപ്പിച്ചവരുടെ സ്വത്തുക്കൾ ലേലം ചെയ്യുമെന്ന് യോഗി ആദിത്യനാഥ് നേരത്തെ തന്നെ വ്യക്തമാക്കിയിരുന്നു.
