Union Budget 2025 Live Updates: ബജറ്റ് അവതരണം തുടങ്ങി, മധ്യവര്‍ഗത്തിന്റെ ശക്തികൂട്ടുന്ന ബജറ്റ്, ദാരിദ്ര്യ നിര്‍മാര്‍ജനം ലക്ഷ്യമെന്ന് ധനമന്ത്രി

Union Budget 2025 Live Updates

Union Budget 2025 Live Updates: മൂന്നാം നരേന്ദ്ര മോദി സര്‍ക്കാരിന്റെ ആദ്യ സമ്പൂര്‍ണ ബജറ്റ് ധനമന്ത്രി നിര്‍മല സീതാരാമന്‍ ഇന്ന് പാര്‍ലമെന്റില്‍ അവതരിപ്പിക്കും. രാവിലെ 11 നു ബജറ്റ് പ്രസംഗം ആരംഭിക്കും. നിര്‍മല സീതാരാമന്‍ അവതരിപ്പിക്കുന്ന എട്ടാമത് സമ്പൂര്‍ണ ബജറ്റ് ആണ് ഇത്തവണത്തേത്. കടുത്ത സാമ്പത്തിക പ്രതിസന്ധി നേരിടുന്നതിനാല്‍ നിലവിലെ ആദായ നികുതി സ്ലാബുകളില്‍ മാറ്റമുണ്ടായേക്കുമെന്നാണ് റിപ്പോര്‍ട്ട്. 

രണ്ട് മണിക്കൂറിലേറെ ഇത്തവണത്തെ ബജറ്റ് പ്രസംഗം ഉണ്ടാകുമെന്നാണ് സൂചന. 2020 ഫെബ്രുവരി ഒന്നിനു നിര്‍മല സീതാരാമന്‍ നടത്തിയ രണ്ട് മണിക്കൂര്‍ 42 മിനിറ്റ് ദൈര്‍ഘ്യമുള്ള ബജറ്റ് പ്രസംഗമാണ് ഇതുവരെ അവതരിപ്പിച്ചതില്‍ ഏറ്റവും ദൈര്‍ഘ്യമേറിയ ബജറ്റ് പ്രസംഗം. 

സ്വാതന്ത്ര്യം ലഭിച്ച ശേഷം 1947 ല്‍ ആര്‍.കെ.ഷണ്‍മുഖം ചെട്ടിയാണ് ഇന്ത്യയുടെ ആദ്യ ബജറ്റ് അവതരിപ്പിച്ചത്. 

മുന്‍ വര്‍ഷത്തെ പോലെ ഡിജിറ്റല്‍ ബജറ്റാണ് നിര്‍മല സീതാരാമന്‍ അവതരിപ്പിക്കുക. ആദ്യ ബജറ്റ് സെഷന്‍ ഫെബ്രുവരി 13 നു അവസാനിക്കും. മാര്‍ച്ച് 10 മുതല്‍ ഏപ്രില്‍ നാല് വരെയാണ് രണ്ടാം ബജറ്റ് സെഷന്‍. 

10:45 AM: മൂന്നാം മോദി സര്‍ക്കാരിന്റെ രണ്ടാം ബജറ്റ് കേന്ദ്രമന്ത്രിസഭ അംഗീകരിച്ചു. 11 മണിക്ക് ധനമന്ത്രി നിര്‍മല സീതാരാമന്‍ ബജറ്റ് അവതരണം ആരംഭിക്കും

11:05 AM:  ധനമന്ത്രി നിര്‍മല സീതാരാമന്‍ മൂന്നാം മോദി സര്‍ക്കാരിന്റെ രണ്ടാം ബജറ്റവതരണം തുടങ്ങി. മധ്യവര്‍ഗത്തിന്റെ ശക്തിക്കൂട്ടുന്ന വളര്‍ച്ചയെ ത്വരിതപ്പെടുത്തുന്ന ബജറ്റെന്ന് ധനമന്ത്രി. സമ്പൂര്‍ണ്ണ ദാരിദ്ര്യ നിര്‍മാര്‍ജനം ലക്ഷ്യം