യുപിയില്‍ വിഷമദ്യം കഴിച്ച് അഞ്ചുപേര്‍ മരിച്ചു. നിരവധിപേരെ ആശുപത്രിയിലും പ്രവേശിപ്പിച്ചു. ഉത്തര്‍പ്രദേശിലെ ജീത്ഗാര്‍ഹി ജില്ലയിലാണ് സംഭവം. മദ്യം കഴിച്ച് ആളുകള്‍ കുഴഞ്ഞുവീഴുകയായിരുന്നു. സംഭവത്തില്‍ കുറ്റക്കാര്‍ക്കെതിരെ കര്‍ശന നടപടി സ്വീകരിക്കുമെന്ന് മുഖ്യമന്ത്രി യോഗി ആദിത്യനാഥ് അറിയിച്ചു.
ഒന്നരമാസം മുന്‍പായിരുന്നു ഉത്തര്‍പ്രദേശില്‍ വിഷമദ്യം കഴിച്ച് ആറുപേര്‍ മരിക്കുകയും 15പേരെ ആശുപത്രിയില്‍ പ്രവേശിപ്പിക്കുകയും ചെയ്തത്. നേരത്തേ വ്യാജമദ്യവിതരണം നടക്കുന്നത് റിപ്പോര്‍ട്ട് ചെയ്തതിനെ തുടര്‍ന്ന് നാലുപൊലീസുകാരെ സസ്‌പെന്റു ചെയ്തിരുന്നു.