മധ്യപ്രദേശിലെ കർഷകരുടെ നേരെ മുഖം തിരിക്കുന്ന നിലപാടുകളാണ് യുപിഎ സർക്കാരും നിലവിലെ ബിജെപി സർക്കാരും സ്വീകരിച്ചത്. തെരഞ്ഞെടുപ്പിന്റെ സമയത്ത് വാഗ്ദാനങ്ങൾ അനവധിയാണ് കർഷകർക്കായി ബിജെപി നൽകിയത്. കർഷകരുടെ പ്രശ്നങ്ങൾ പരിഹരിക്കാമെന്ന് ഉറപ്പ് നൽകി അധികാരത്തിലേറിയ ബിജെപി അക്ഷരാർത്ഥത്തിൽ ജനങ്ങളെ വഞ്ചിക്കുകയാണ്.
വിളനാശവും കടബാധ്യതയുമെല്ലാം മധ്യപ്രദേശിലെ കര്‍ഷകരെ ആത്മഹത്യയിലേക്ക് തള്ളിവിടുകയാണ്. മോദി അഷികാരത്തിലേറിയ മൂന്ന് വർഷത്തിനിടെ 36,000 കർഷകരാണ് രാജ്യത്ത് ആത്മഹത്യ ചെയ്തത്. ന്യായമായ ആവശ്യങ്ങൾ പോലും സർക്കാർ അനുവദിച്ച് നൽകുന്നില്ല.
പട്ടിണി മാറ്റണമെന്ന ആവശ്യം ഉന്നയിച്ച് കർഷകർ നടത്തിയ സമരത്തിന് നേരെ പൊലീസ് വെറ്റിവെയ്പ്പ്. അതും സമാധാനപരമായ സമരത്തിനിടെ യാതൊരു പ്രകോപനവും കൂടാതെ. ആറ് കർഷകരാണ് വെടിവെയ്പ്പിൽ മരിച്ചത്. മരണസംഖ്യ ഇനിയും ഉയർന്നേക്കാം. മന്ദ്‌സോര്‍ ജില്ലയിലെ പിപാലിയ പ്രദേശത്താണ് സംഭവം. പോലീസ് വെടിവെപ്പിന് ശേഷം പ്രക്ഷോഭം രൂക്ഷമായിരിക്കുകയാണ്.
