ജമ്മു കശ്‌മീരിലെ ഷോപിയാനില്‍ ഗ്രനേഡ് പൊട്ടിത്തെറിച്ചു. സംഭവത്തില്‍ പതിനൊന്നു പേര്‍ക്ക് പരുക്കേറ്റു. വ്യാഴാഴ്ച രാവിലെ ഷോപിയാനിലെ മുസ്ലിം പള്ളിയുടെ കോമ്പൌണ്ടിലാണ് ഗ്രനേഡ് പൊട്ടിത്തെറിച്ചത്.
രാവിലത്തെ പ്രാര്‍ത്ഥനകള്‍ക്കു ശേഷം വിശ്വാസികള്‍ പള്ളിയില്‍ പുറത്തേക്ക് വരുമ്പോള്‍ ആയിരുന്നു ഗ്രനേഡ് പൊട്ടിത്തെറിച്ചത്.
നിലത്തു കിടന്ന ഗ്രനേഡ് നീക്കം ചെയ്യാന്‍ നടത്തിയ ശ്രമത്തിനിടെയാണ് സ്ഫോടനം നടന്നത്. പ്രദേശത്ത് വിദഗ്ധസംഘം പരിശോധന നടത്തി. പൊലീസ് അന്വേഷണം ആരംഭിച്ചിട്ടുണ്ട്.
