മുംബൈയിലെ ലീലാവതി ആശുപത്രിയിലാണ് താരം ഇപ്പോള് ഉള്ളത്. അഞ്ച് മണിക്കൂര് നീണ്ട ശസ്ത്രക്രിയയില് നട്ടെല്ലിനു സമീപത്തു നിന്ന് കത്തിയുടെ 2.5 ഇഞ്ച് നീളമുള്ള ഭാഗം നീക്കിയതായി ഡോക്ടര്മാര് അറിയിച്ചു. അക്രമി ആറ് തവണയാണ് സെയ്ഫിനെ കുത്തിയത്. അടുത്ത ഏതാനും ദിവസങ്ങള് സെയ്ഫിനു പൂര്ണ വിശ്രമം ആവശ്യമാണെന്ന് ഡോക്ടര്മാര് കുടുംബത്തെ അറിയിച്ചിട്ടുണ്ട്. സെയ്ഫിന്റെ ഭാര്യയും നടിയുമായ കരീന കപൂര് ആശുപത്രിയിലുണ്ട്.
