മയക്കുമരുന്നിനെതിരെ ശക്തമായ നടപടി തങ്ങള്‍ കൈക്കൊള്ളുമെന്നും പ്രസംഗത്തില്‍ കോണ്‍ഗ്രസ് ഉപാധ്യക്ഷന്‍ വ്യക്തമാക്കി. പഞ്ചാബിലെ ബസ് സര്‍വ്വീസുകളില്‍ പോലും ബാദല്‍ സര്‍ക്കാരിന്റെ കുത്തകയാണെന്നും അദ്ദേഹം കുറ്റപ്പെടുത്തി. പഞ്ചാബിലെ എല്ലാ വ്യവസായവും ബാദല്‍ കുടുംബത്തിന്റെ കുത്തകയ്ക്ക് കീഴിലാണെന്നും രാഹുല്‍ ആരോപിച്ചു.
സംസ്ഥാനത്തെ 70 ശതമാനം യുവാക്കളും മയക്കുമരുന്നിന് അടിമകളാണെന്ന് താന്‍ പറഞ്ഞപ്പോള്‍ തന്നെ പരിഹസിക്കുകയാണ് മുഖ്യമന്ത്രി പ്രകാശ് സിംഗ് ബാദല്‍ ചെയ്തത്. എന്നാല്‍, പഞ്ചാബ് തന്നെ താന്‍ പറഞ്ഞത് ഇപ്പോള്‍ ശരിവെയ്ക്കുകയാണ്. കാര്‍മേഘങ്ങള്‍ കര്‍ഷകരെ പ്രതീക്ഷയുള്ളവരാക്കുന്നു എന്നാല്‍, പഞ്ചാബില്‍ ബാദല്‍ കര്‍ഷകര്‍ക്ക് വെള്ളം കൊടുക്കുന്നില്ലെന്നും രാഹുല്‍ കുറ്റപ്പെടുത്തി.
