പുനെ ഫിലിം ആന്‍ഡ് ടെലിവിഷന്‍ ഇന്‍സ്റ്റിട്യൂട് ഓഫ് ഇന്ത്യ (എഫ് ടി ഐ ഐ) യുടെ തലവനായി ഗജേന്ദ്ര ചൌഹാന്‍ ഇന്ന് ചുമതലയേല്‍ക്കും. അതേസമയം, ഗജേന്ദ്ര ചൌഹാന്‍ ചുമതലയേല്‍ക്കുന്നതിനെതിരെ വിദ്യാര്‍ത്ഥികള്‍ പ്രതിഷേധവുമായി ക്യാംപസില്‍ എത്തുമെന്നാണ് റിപ്പോര്‍ട്ടുകള്‍.
ശക്തമായി പ്രതിഷേധിക്കുമെന്നാണ് വിദ്യാര്‍ത്ഥികള്‍ വ്യക്തമാക്കിയിരിക്കുന്നത്. അതേസമയം, സര്‍ക്കാരില്‍ നിന്ന് ഉത്തരവ് ലഭിച്ചെന്നും തനിക്ക് ലഭിച്ച ജോലി ചെയ്യുമെന്നും ഗജേന്ദ്ര ചൌഹാന്‍ വ്യക്തമാക്കി. വിദ്യാര്‍ത്ഥികള്‍ എന്തു ചെയ്യുമെന്ന് അറിയില്ല. പക്ഷേ, ജോലി ചെയ്യാന്‍ തയ്യാറാണെന്നും ഗജേന്ദ്ര ചൌഹാന്‍ വ്യക്തമാക്കി.
