രാഷ്ട്രപതി പ്രണബ് മുഖര്‍ജി തിരക്കിലാണ്. തന്റെ പുതിയ പുസ്തകത്തിന്റെ പണിപ്പുരയിലാണ് അദ്ദേഹം. അദ്ദേഹത്തിന്റെ രചനകള്‍ മുമ്പും ഇറങ്ങിയിട്ടുണ്ടെങ്കിലും 2012ല്‍ രാഷ്ട്രപതി പദത്തിലെത്തിയതിനു ശേഷം പുറത്തിറക്കുന്ന ആദ്യ രചനയ്ക്കായുള്ള തയ്യാറെടുപ്പിലാണദ്ദേഹം. 'ദി ഡ്രമാറ്റിക് ഡെകേഡ്: ദി ഇന്ദിരാ ഇയേഴ്സ്' എന്ന പുസ്തകത്തിന്റെ മൂന്നു പതിപ്പുകളില്‍ ആദ്യത്തേത് അടുത്ത മാസത്തോടെ വിപണിയിലെത്തും.
മിഡ്ടേം പോള്‍, ബിയോണ്ട് സര്‍വൈവല്‍, എമര്‍ജിങ് ഡൈമന്‍ഷന്‍സ് ഒഫ് ഇന്ത്യന്‍ എക്കണോമി, ഒഫ് ദി ട്രാക്ക്,സാഗാ ഒഫ് സ്ട്രഗ്ള്‍ ആന്‍ഡ് സാക്രിഫൈസ്, ചാലഞ്ജ് ബിഫോര്‍ ദി നേഷന്‍ എന്നിവയാണ് പ്രണബിന്റെ മറ്റു കൃതികള്‍.
