ഓണ്‍ലൈന്‍ വ്യാപാരത്തിന്റെ മറവിലുള്ള സാമ്പത്തികക്രമക്കേടുകള്‍ തടയാന്‍ നടപടിയെടുക്കണമെന്നാവശ്യപ്പെട്ടാണ് പ്രവര്‍ത്തകര്‍ മന്ത്രിയേ സമീപിച്ചത്. വര്‍ഷത്തില്‍ 60,000 കോടി രൂപയുടെ ഓണ്‍ലൈന്‍ വ്യാപാരം രാജ്യത്ത് നടക്കുന്നുണ്ടെന്നും എന്നാല്‍ കേരളത്തില്‍ മാത്രം കേരളത്തില്‍ 4000 കോടി രൂപയുടെ ഓണ്‍ലൈന്‍വ്യാപാരമാണ് നടക്കുന്നത്.
ചില്ലറവില്പനരംഗത്തെ വിദേശനിക്ഷേപം നിയന്ത്രിക്കുമെന്ന് ജെയ്റ്റ്ലി ഉറപ്പു നല്‍കിയതായി പി. കരുണാകരന്‍ എം.പി അറിയിച്ചു. ബഹുബ്രാന്‍ഡ് ഉത്പന്നങ്ങളില്‍ വിദേശനിക്ഷേപമുണ്ടാവില്ല. അതേസമയം, ഏകബ്രാന്‍ഡ് ഉത്പന്നങ്ങള്‍ക്കുള്ള വിദേശനിക്ഷേപം ഒഴിവാക്കാന്‍ കഴിയില്ലെന്നും ജെയ്റ്റ്ലി വ്യക്തമാക്കി. പി.രാജീവ് എം.പി, വ്യാപാരി വ്യവസായി സമിതി സംസ്ഥാനപ്രസിഡന്റ് ബിന്നി ഇമ്മട്ടി, സെക്രട്ടറി ഇ.എസ്. ബിജു, ജോ.സെക്രട്ടറി സി.എ. ജലീല്‍ എന്നിവരും മന്ത്രിയുമായുള്ള കൂടിക്കാഴ്ചയ്ക്കുണ്ടായിരുന്നു.
