എന്‍ ജി ഒകള്‍ സ്വത്തു വെളിപ്പെടുത്തുന്നത് നിര്‍ബന്ധമാക്കാന്‍ നീക്കം

സന്നദ്ധസംഘടനകള്‍ സ്വത്ത് വെളിപ്പെടുത്തുന്നത് നിര്‍ബന്ധമാക്കാന്‍ കേന്ദ്രസര്‍ക്കാര്‍ നീക്കം. 

രാജ്യത്ത് വിവിധ മേഖലകളില്‍ പ്രവര്‍ത്തിക്കുന്ന സന്നദ്ധസംഘടനകളെ ലക്‌ഷ്യം വെച്ചു കൊണ്ടാണ് കേന്ദ്രസര്‍ക്കാര്‍ ഇത്തരമൊരു നീക്കത്തിന് മുതിരുന്നത്. സംഭാവനയായി ലഭിക്കുന്ന ഫണ്ട് ദുരുപയോഗം ചെയ്ത് എന്‍ ജി ഒകള്‍ വന്‍തോതില്‍ സ്വത്തുക്കള്‍ വാങ്ങിക്കൂട്ടുന്നുവെന്ന് ആരോപണമുണ്ട്. ഈ സാഹചര്യത്തിലാണ് കേന്ദ്രനീക്കം.

കേന്ദ്രസര്‍ക്കാര്‍ നീക്കം ഫലം കണ്ടാല്‍ സര്‍ക്കാര്‍ ഫണ്ടായി ഒരു കോടിയിലധികവും വിദേശ സംഭാവനയായി 10 ലക്ഷം രൂപയില്‍ കൂടുതലും ലഭിക്കുന്ന സംഘടനകള്‍ക്ക് സ്വത്ത് വെളിപ്പെടുത്തേണ്ടി വരും. വര്‍ഷംതോറും ബാധ്യതയുടെ കണക്കുകളും പുറത്തുവിടേണ്ടി വരും. ലോക്‌പാല്‍ നിയപ്രകാരം എന്‍ ജി ഒ സംഘടനകളെ പൊതുസേവകരുടെ ഗണത്തില്‍പ്പെടുത്തും.