ബിജെപി നേതൃത്വത്തിലുള്ള സര്‍ക്കാര്‍ അധികാരത്തിലേറാന്‍ ദിവസങ്ങള്‍ മാത്രം ശേഷിക്കെ, പ്രധാനമന്ത്രിസ്ഥാനാര്‍ഥി നരേന്ദ്രമോഡി പാര്‍ട്ടിയിലെ പ്രമുഖനേതാക്കളെ കണ്ട് പ്രത്യേകം ചര്‍ച്ചനടത്തി. അദ്വാനിയുടെ വസതിയില്‍ നാല്‍പത് മിനിറ്റ് നീണ്ട കൂടിക്കാഴ്ചയില്‍ പാര്‍ട്ടി ജനറല്‍ സെക്രട്ടറിമാരായ അമിത് ഷായും ജെപി നഡ്ഡയും ചര്‍ച്ചയില്‍ പങ്കെടുത്തു.
മുതിര്‍ന്ന നേതാവായ അദ്വാനിയെ പിണക്കാതെ കൂടെനിര്‍ത്തിക്കൊണ്ടുള്ള ഒത്തുതീര്‍പ്പാണ് മോഡി പരീക്ഷിക്കുന്നത്. പാര്‍ട്ടി ജനറല്‍സെക്രട്ടറി അനന്ത് കുമാറും രാവിലെ അദ്വാനിയെ കണ്ടിരുന്നു. അതേസമയം, സര്‍ക്കാറില്‍ നിര്‍ണായക സ്ഥാനത്തേക്ക് അദ്വാനി പരിഗണിക്കപ്പെടാന്‍ സാധ്യതയില്ലെന്നാണ് അറിയുന്നത്.
