വസ്ത്രധാരണത്തില്‍ താന്‍ മുന്‍ പ്രതിരോധമന്ത്രി എ കെ ആന്റണിയേക്കാള്‍ ഭേദമാണെന്ന് പ്രതിരോധമന്ത്രി മനോഹര്‍ പരീക്കര്‍. മുംബൈയില്‍ വെച്ചായിരുന്നു മന്ത്രിയുടെ പ്രതികരണം. പ്രതിരോധം പോലെ വളരെ പ്രധാനപ്പെട്ട വകുപ്പിലുള്ള മന്ത്രിയുടെ ലളിതമായ വസ്ത്രധാരണത്തെക്കുറിച്ച് ചോദിച്ചപ്പോള്‍ ആയിരുന്നു അദ്ദേഹത്തിന്റെ പ്രതികരണം.
പാശ്ചാത്യ വസ്ത്രധാരണരീതികളില്‍ താല്പര്യമില്ല. സ്യൂട്ട് പോലുള്ള വസ്ത്രങ്ങള്‍ ഇത്രത്തോളം സൌകര്യപ്രദമാകില്ല. എന്നാല്‍, താന്‍ മുന്‍ പ്രതിരോധമന്ത്രി എ കെ ആന്റണിയേക്കാള്‍ നന്നായി വസ്ത്രധാരണം ചെയ്യുന്നുണ്ടെന്നും പരീക്കര്‍ മറുപടി നല്കി.
