വോട്ടെടുപ്പിനായി 6774 പോളിങ് ബൂത്തുകൾ ആണ് ഒരുക്കിയിരിക്കുന്നത്. കിഴക്കന്‍ മിഡ്നാപുര്‍, കൂച്ച് ബിഹാര്‍ ജില്ലകളിലെ മണ്ഡലങ്ങളില്‍ അടക്കം 58 ലക്ഷം വോട്ടര്‍മാര്‍ ആണ് ഉള്ളത്. മറ്റ് സംസ്ഥാനങ്ങളിലെയും തെരഞ്ഞെടുപ്പ് പൂര്‍ത്തിയായതിനു ശേഷം മെയ് 19ന് ആയിരിക്കും വോട്ടെണ്ണല്‍.
കനത്ത സുരക്ഷാ സന്നാഹമാണ് അന്തിമഘട്ട വോട്ടെടുപ്പിനായി ഒരുക്കിയിരിക്കുന്നത്. 50,000 സുരക്ഷാ ഉദ്യോഗസ്ഥര്‍ രംഗത്തുണ്ടാകും. കൂച്ച്ബിഹാറില്‍ 123 കമ്പനി കേന്ദ്ര സേനയെയും ഈസ്റ്റ് മിഡ്നാപ്പൂരില്‍ 238 കമ്പനിയും കേന്ദ്രസേനയെ വിന്യസിച്ചതായി തെരഞ്ഞെടുപ്പ് കമീഷന്‍ അറിയിച്ചു.
