ബോളിവുഡിനെ ചൂടുപിടിപ്പിക്കുന്ന കങ്കണ റണാവത്ത് - ഋത്വിക് റോഷന്‍ പ്രണയവിവാദം പുതിയ വഴിത്തിരിവിലേക്ക്. ഇരുവരുടേയും പ്രണയലീലകൾ എന്ന രീതിയിൽ പുറത്ത് വന്നിരിക്കുന്ന ചിത്രങ്ങളാണ് കാര്യങ്ങ‌ൾ വഴിതിരിച്ച് വിട്ടിരിക്കുന്നത്. ഒരു പാർട്ടിക്കിടെ കങ്കണയെ കെട്ടിപിടിച്ച് നിൽക്കുന്ന ഋത്വികിന്റെ ഫോട്ടോ ആയിരുന്നു പുറത്ത് വന്നിരുന്നത്. എന്നാൽ ചിത്രങ്ങൾ ഫോട്ടോഷോപ്പ് ചെയ്തതാണെന്നാണ് പുതിയ വാർത്തകൾ.
അർജുൻ രാംപാലിന്റെ വസതിയിൽ വെച്ച് നടത്തിയ ക്രിഷ് - 3യുടെ പ്രീപ്രൊഡക്ഷൻ പാർട്ടിക്കിടെ എടുത്ത ചിത്രങ്ങളാണ് ലീക്കായത്. പാർട്ടിയുടെ കൂടുതൽ ചിത്രങ്ങൾ പുറത്ത് വന്നിട്ടുണ്ട്. ഋത്വികിന്റെ മുൻഭാര്യ സുസൈൻ ഖാനും പാർട്ടിയിൽ പങ്കെടുത്തിട്ടുണ്ട്. ഇവരെ കൂടാതെ ഡിനോ മോറിയോയും മറ്റ് താരങ്ങ‌ളും പാർട്ടിയിൽ പങ്കെടുത്തിട്ടുണ്ട്.
