ഇന്ത്യയുടെ പ്രതിരോധ സ്വയം പര്യാപ്തതയില്‍ പുതിയ അധ്യായം രചിച്ചുകൊണ്ട് 90 ശതമാനവും തദ്ദേശീയമായി നിര്‍മ്മിച്ച പടക്കപ്പല്‍ ഇന്ന് നാവികസേനയ്ക്ക് സ്വന്തമാകും. അന്തര്‍വാഹിനികളെ തകര്‍ക്കാന്‍ കഴിയുന്ന യുദ്ധ സംവിധാനമുള്ള ഇന്ത്യയുടെ പ്രഥമ യുദ്ധക്കപ്പലാണിത്. കൊല്‍ക്കത്ത ആസ്ഥാനമായി പ്രവര്‍ത്തിക്കുന്ന് ഗാര്‍ഡന്‍ റീച്ച് ഷിപ്‌യാര്‍ഡ് ലിമിറ്റഡേര്‍ഴ്സ് ആന്‍ഡ് എഞ്ചിനീയേര്‍സ് ആണ് കപ്പല്‍ നിര്‍മ്മിച്ചത്.
കപ്പലിലെ 90 ശതമാനവും സാമഗ്രികള്‍ ഇന്ത്യന്‍ കമ്പനികള്‍ വികസിപ്പിച്ചവയാണ് എന്നതാണ് ഇതിന്റെ പ്രത്യേകത. കപ്പലിനാവശ്യമായ ഉയര്‍ന്ന ഗ്രേഡിലുള്ള ഉരുക്ക് നല്‍കിയത് സ്റ്റീല്‍ അഥോറട്ടി ഓഫ് ഇന്ത്യ ആണ്. ഇതില്‍ സ്ഥാപിച്ചിരിക്കുന്ന സൂക്ഷമതയുള്ള സെന്‍സറുകളും കൃത്യതയാര്‍ന്ന ആയുനിയന്ത്രണ സംവിധാനവും നിര്‍മ്മിച്ചതും രാജ്യത്തേ തന്നെ വിവിധ കമ്പനികളാണ്.
