500, 1000 നോട്ടുകൾ പിൻവലിച്ചതിനു പിന്നാലെ ഇന്ത്യയിൽ നിന്നും 100 രൂപ നോട്ടുകളും പിൻവലിക്കുമെന്ന് കേന്ദ്ര സർക്കാർ. 100, 50, 20, 10 എന്നീ നോട്ടുകൾ ഘട്ടം ഘട്ടമായി പിൻവലിച്ച് പുതിയ നോട്ടുകൾ പുറത്തിറക്കുമെന്നാണ് കേന്ദ്ര സർക്കാർ വ്യക്തമാക്കിയിരിക്കുന്നത്. മാധ്യമ പ്രവര്‍ത്തകരോട് സംസാരിക്കവെ കേന്ദ്ര ധനകാര്യ സെക്രട്ടറിയാണ് ഇക്കാര്യം വ്യക്തമാക്കിയത്.
നിലവിൽ 500, 1000 രൂപകൾ പിൻവലിച്ചതോടെയുണ്ടായിരിക്കുന്ന പ്രശ്നങ്ങൾ ചില്ലറയൊ‌ന്നുമല്ല. ഇതിനിടെയാണ് പുതിയ നടപടിയും കേന്ദ്ര സർക്കാർ വ്യക്തമാക്കിയത്. രാജ്യത്ത് നിലവിലുള്ള എല്ലാ നോട്ടുകളും പിൻവലിച്ച് പുതിയ നോട്ടുകൾ ഇറക്കാനാണ് സർക്കാർ ശ്രമിക്കുന്നതെന്ന് ഇതിലൂടെ വ്യക്തമായിരിക്കുകയാണ്.
