ആരോ കൈവിരലില്‍ ചുറ്റിയിരുന്ന, രക്തത്താല്‍ നനഞ്ഞ് രണ്ടുദിവസത്തോളം പഴക്കമുള്ള ഒരു ബാന്‍ഡേജ് ആയിരുന്നു അത്. ഇത് കടയിലെ ജോലിക്കാരുടെ ശ്രദ്ധയില്‍ പെടുത്തിയപ്പോള്‍ വേണ്ടത്ര പ്രതികരണം ലഭിച്ചില്ല. മാനേജര്‍ പോലും വ്യക്തമായ മറുപടി നല്‍കാത്ത സാഹചര്യത്തില്‍ കടയുടമയെ കാണണമെന്ന് കവിന്‍ കുമാറും സുഹൃത്തുക്കളും വാശിപിടിച്ചു.
അപ്പോഴേക്കും പൊലീസിലും ഇവര്‍ വിവരം അറിയിച്ചിരുന്നു. രണ്ടുമണിക്കൂറിന് ശേഷം ഡിണ്ടുഗലില്‍ നിന്ന് കടയുടമയും സ്ഥലത്തെത്തി. അതിനിടെ, കണ്ണന്‍ എന്നൊരു രാഷ്ട്രീയനേതാവ് തന്നെ ഫോണില്‍ വിളിച്ച് ഭീഷണിപ്പെടുത്തിയെന്ന് കവിന്‍ കുമാര്‍ മാധ്യമങ്ങളോട് വെളിപ്പെടുത്തി.
