കൊവിഡ് വാക്‌സിൻ വിതരണം സുഗമമാക്കാനായി പ്രത്യേക സമിതികൾ രൂപീകരിക്കണമെന്ന് സംസ്ഥാനങ്ങളോട് കേന്ദ്രത്തിന്റെ നിർദേശം. ചീഫ് സെക്രട്ടറി അധ്യക്ഷനായി സംസ്ഥാന സ്റ്റിയറിങ് കമ്മിറ്റിയും അഡീഷണൽ ചീഫ് സെക്രട്ടറിയുടെ നേതൃത്വത്തിൽ സംസ്ഥാന കർമസമിതിയും ജില്ലാ കളക്‌ടറുടെ നേതൃത്വത്തിൽ ജില്ലാ സമിതിയും രൂപീകരിക്കാനാണ് നിർദേശം.
ആരോഗ്യപ്രവർത്തകർ,മറ്റ് രോഗങ്ങൾ ഉള്ളവർ തുടങ്ങി ഘട്ടം ഘട്ടമായായിരിക്കും വാക്‌സിൻ നൽകുക. ഇതിനുള്ള മുന്നൊരുക്കങ്ങളുടെ ഭാഗമായാണ് സംസ്ഥാന ജില്ല തലങ്ങളിൽ സമിതികൾക്ക് രൂപം കൊടുക്കാൻ കേന്ദ്രസർക്കാർ നിർദേശിച്ചിരിക്കുന്നത്
