കൊവിഡ് വാക്‌സിന് 1500 കോടി രൂപ ചിലവഴിക്കാന്‍ തീരുമാനം എടുത്തത് വെറും 30മിനിറ്റിനുള്ളിലെന്ന് ഓക്‌സ്ഫഡിന്റെ ഇന്ത്യന്‍ പങ്കാളി പൂണെ സിറം ഇന്‍സ്റ്റിറ്റ്യൂട്ട്. ഇന്‍സ്റ്റിറ്റ്യൂട്ടിന്റെ സിഇഒ അദര്‍ പൂനവാലയാണ് ഇക്കാര്യം അറിയിച്ചത്. മറിച്ചൊന്ന് ചിന്തിക്കാതെയാണ് ഇക്കാര്യത്തില്‍ തീരുമാനം എടുത്തത്. ഓക്‌സ്ഫഡിന്റെ രണ്ടും മൂന്നും ട്രയലുകള്‍ പരാജയപ്പെട്ടാല്‍ നിര്‍മിച്ച മുഴുവന്‍ മരുന്നും നശിപ്പിച്ചുകളയേണ്ട വെല്ലുവിളിയാണ് മുന്നിലുള്ളതെന്നും സൂചിപ്പിച്ചു.
