വാട്ട്‌സാപ്പ് ഉള്‍പ്പടെയുള്ള സാമൂഹികമാധ്യമങ്ങള്‍ വഴിയാണ് പ്രതികള്‍ യുവാക്കളുമായി ബന്ധപ്പെട്ടിരുന്നത്. ഗര്‍ഭധാരണത്തിന് സഹായിക്കുന്നവര്‍ക്ക് ലക്ഷക്കണക്കിന് പണം സമ്പാദിക്കാനാവുമെന്നായിരുന്നു വാദ്ഗാനം. ജോലിക്ക് താത്പര്യമുള്ള പുരുഷന്മാരില്‍ നിന്നും 799 രൂപ ഇവര്‍ രജിസ്‌ട്രേഷന്‍ ഫീസായി ആവശ്യപ്പെട്ടിരുന്നു. രജിസ്റ്റര്‍ ചെയ്തവര്‍ക്ക് ഗര്‍ഭം ധരിക്കാന്‍ ആഗ്രഹിക്കുന്ന സ്ത്രീയെ തിരെഞ്ഞെടുക്കാനും അവസരമുണ്ടെന്നായിരുന്നു അറിയിച്ചിരുന്നത്.
