ഹരിയാന നിയമസഭാ തെരെഞ്ഞെടുപ്പില്‍ വിനേഷ് ഫോഗട്ട് മത്സരിക്കുന്നതില്‍ പ്രതികരണവുമായി ഗുസ്തി ഫെഡറേഷന്‍ മുന്‍ അധ്യക്ഷനും ബിജെപി നേതാവുമായ ബ്രിജ് ഭൂഷണ്‍ ശരണ്‍ സിംഗ്. ഏത് ബിജെപി സ്ഥാനാര്‍ഥി മത്സരിച്ചാലും വിനേഷിനെ തോല്‍പ്പിക്കാനാവുമെന്ന് ബ്രിജ് ഭൂഷണ്‍ പറഞ്ഞു. ബിജെപി ആവശ്യപ്പെട്ടാല്‍ വിനേഷിനെതിരെ പ്രചാരണം നടത്താന്‍ തയ്യാറാണെന്നും ബ്രിജ്ഭൂഷണ്‍ പറഞ്ഞു.
തനിക്കെതിരെ ഉയര്‍ന്ന ആരോപണങ്ങള്‍ കോണ്‍ഗ്രസ് ആരോപണം ചെയ്തതാണെന്നും ഭൂപീന്ദര്‍ സിംഗ് ഹൂഡ തനിക്കെതിരെ ഗൂഡാലോചന നടത്തുകയാണെന്നും ബ്രിജ് ഭൂഷണ്‍ ശരണ്‍ സിംഗ് പറഞ്ഞു. ഗുസ്തിയിലൂടെ ബജ്‌റംഗ് പുനിയയും വിനേഷ് ഫോഗട്ടും നേടിയെടുത്ത പേര് രാഷ്ട്രീയ പ്രവേശനത്തിലൂടെ നഷ്ടപ്പെടുമെന്നും രണ്ടുപേരുടെയും രാഷ്ട്രീയമോഹങ്ങള്‍ നടക്കുന്ന കാര്യമല്ലെന്നും ബ്രിജ് ഭൂഷണ്‍ പറഞ്ഞു.
