അവന്‍ മുസ്‌ലിം ആണെന്ന് നിനക്ക് അറിയില്ലേ എന്ന് പറഞ്ഞുകൊണ്ടാണ് ബിജെപിയുടെ വനിതാ നേതാവ് പെണ്‍കുട്ടിയെ മര്‍ദ്ദിക്കുന്നത്. ബിജെപി അലിഖഢിന്റെ വനിതാ വിഭാഗം പ്രസിഡന്റായ സംഗീത വര്‍ഷ്‌നെയാണ് പെണ്‍കുട്ടിയെ മര്‍ദ്ദിക്കുന്നത്. എന്നാല്‍ താന്‍ പ്രായപൂര്‍ത്തിയായ യുവതിയാണെന്നും തങ്ങള്‍ പ്രണയത്തിലാണെന്നും പെണ്‍കുട്ടി വ്യക്തമാക്കിയിട്ടുണ്ട്.
തനിക്കൊപ്പമുള്ള മുഹമ്മദ് ഫൈസാന്‍ എന്ന യുവാവ് തന്റെ ബോയ്ഫ്രണ്ടാണെന്നും രണ്ടുവര്‍ഷമായി തങ്ങള്‍ പ്രണയത്തിലാണെന്നും പെണ്‍കുട്ടി തന്നെ മര്‍ദ്ദിക്കുന്നവരോട് വിളിച്ചുപറയുന്നത് വീഡിയോയിലും കേള്‍ക്കാം. എന്നാല്‍ പൊതുമധ്യത്തില്‍വെച്ച് പെണ്‍കുട്ടിയെ ആക്രമിച്ച ബിജെപി നേതാവിനെതിരെ ഇതുവരെ നടപടിയൊന്നും എടുത്തിട്ടില്ല.
