അതേസമയം, സുനന്ദയുടെ മകന്‍ ശിവ് മേനോനെ വീണ്ടും ചോദ്യം ചെയ്യുമെന്ന് പൊലീസ് അറിയിച്ചു. കഴിഞ്ഞദിവസം സുനന്ദയുടെ മരണവുമായി ബന്ധപ്പെട്ട് മാധ്യമപ്രവര്‍ത്തകരെയും ഡല്‍ഹി പൊലീസ് ചോദ്യം ചെയ്തിരുന്നു. സുനന്ദയും ഐ പി എലും തമ്മിലുള്ള ബന്ധത്തെക്കുറിച്ചാണ് അമര്‍ സിംഗിനോടും മാധ്യമപ്രവര്‍ത്തകരോടും പൊലീസ് ചോദിച്ചത്.
മരണത്തിന് രണ്ടുദിവസം മുമ്പ് സുനന്ദ തന്നെ വിളിച്ചിരുന്നെന്നും ഐ പി എല്ലുമായി ബന്ധപ്പെട്ട കാര്യങ്ങള്‍ തുറന്നു പറഞ്ഞെന്നും അമര്‍സിംഗ് മാധ്യമങ്ങളോട് വെളിപ്പെടുത്തിയിരുന്നു. സുനന്ദ ധൈര്യവതിയാണെന്നും അവര്‍ ആത്മഹത്യ ചെയ്യില്ലെന്നും അമര്‍ സിംഗ് പറഞ്ഞിരുന്നു. ഈ പ്രസ്താവന പരിഗണിച്ചാണ് അമര്‍ സിംഗിനെ ചോദ്യം ചെയ്തതെന്ന് പൊലീസ് പറഞ്ഞു.
