അദ്ധ്യാപകയെ വിദ്യാര്‍ത്ഥികള്‍ക്ക് മുന്‍പില്‍ വെച്ച് മണ്ണെണ്ണ ഒഴിച്ചു കത്തിച്ചു. മഗാഡി താലൂക്കിലെ സംബൈനപ്പള്ളിയിലെ സ്കൂളില്‍ ബുധനാഴ്ചയാണ് സംഭവം നടന്നത്. അഞ്ചാം ക്ലാസ് വിദ്യാര്‍ത്ഥികള്‍ക്കു മുന്‍പിലാണ് അദ്ധ്യാപകയുടെ ശരീരത്തില്‍ തീകൊളുത്തിയത്. സംഭവത്തില്‍ അദ്ധ്യാപികയായ കെജി സുനന്ദയ്ക്ക് ഗുരുതരമായ പൊള്ളലേറ്റു.
സുനന്ദയുടെ ബിസിനസ് പങ്കാളിയായ രേണുകാ ആരാധ്യയാണ് ആക്രമം നടത്തിയതെന്ന് പൊലീസ് വ്യക്തമാക്കി. വിദ്യാര്‍ത്ഥികളെ പഠിപ്പിച്ചു കൊണ്ടിരിക്കവേ ഇയാള്‍ ക്ലാസ് മുറിയില്‍ കയറി അദ്ധ്യാപികയുമായി വാക്കേറ്റമുണ്ടാകുകയും പിന്നാലെ മണ്ണെണ്ണ ഒഴിച്ചു തീ കൊളുത്തുകയുമായിരുന്നു. തുടര്‍ന്ന് വിദ്യാര്‍ത്ഥികള്‍ ബഹളം വെയ്ക്കുകയും പൊള്ളലേറ്റ അദ്ധ്യാപികയെ ആശുപത്രിയില്‍ എത്തിക്കുകയുമായിരുന്നു. സംഭവമായി ബന്ധപ്പെട്ട് പൊലീസ് കേസ് എടുത്തു.
