ബി ജെ പി സ്ഥാനാര്‍ത്ഥിയും മുന്‍ ടെലിവിഷന്‍ താരവുമായ രൂപാ ഗാംഗുലിക്കെതിരെയാണ് ലൈംഗിക ചുവയോടെ റസാക്ക് മൊല്ല അപകീര്‍ത്തികരമായ പരാമര്‍ശം നടത്തിയിരിക്കുന്നത്. ‘സീരിയലുകളില്‍ അവര്‍ അഭിനയിച്ചതുപോലെ തന്നെ ശരിക്കും ഒരു ദ്രൗപദി തന്നെയാണ്. അവള്‍ വലിക്കുന്ന സിഗരറ്റിന്റെ നീളം പോലും എനിക്കറിയാം’ എന്നായിരുന്നു റസാക്ക് മൊല്ലയുടെ പരാമര്‍ശം. ഇടതുപക്ഷ സര്‍ക്കാറില്‍ മന്ത്രിയായിരുന്ന മൊല്ലയെ 2014ല്‍ പാര്‍ട്ടിയില്‍ നിന്ന് പുറത്താക്കുകയും പിന്നീട് തൃണമൂല്‍ കോണ്‍ഗ്രസില്‍ ചേരുകയുമായിരുന്നു.
അതേസമയം, ബംഗാളിലെ മുഖ്യമന്ത്രിയും പാര്‍ട്ടിയും സ്ത്രീകളോട് ചെയ്യുന്ന അനീതിയുടെ തെളിവാണ് ഇതെന്ന് രൂപാ ഗാംഗുലി പ്രതികരിച്ചു. പ്രചരണം ശ്രദ്ധിക്കപ്പെടാനാണ് മൊല്ല ഇത്തരം വിലകുറഞ്ഞ പരാമര്‍ശങ്ങളുമായി നടത്തുന്നതെന്നും അവര്‍ പറഞ്ഞു. പരാമര്‍ശത്തിനെതിരേ ബി ജെ പി ഇലക്ഷന്‍ കമ്മീഷനെ സമീപിക്കുകയും ചെയ്‌തു.
