സെപ്റ്റംബറില്‍ ആര്‍.ബി.ഐയില്‍ കാലാവധി തീരുന്ന രഘുറാം രാജനെ മോദി സര്‍ക്കാര്‍ വീണ്ടും കാലാവധി നീട്ടി നല്‍കുമോയെന്ന് ഉറ്റു നോക്കുന്ന സാഹര്യത്തിലാണ് ചിദംബരത്തിന്റെ പ്രതികരണം. രാജനെ പൂര്‍ണ്ണമായും വിശ്വാസത്തിലെടുത്താണ് യു പി എ സര്‍ക്കാര്‍ അദ്ദേഹത്തെ ആര്‍ ബി ഐയുടെ ചുമതലയേല്‍പ്പിച്ചത്. അതിപ്പോഴും തുടരുന്നതായും ചിദംബരം വ്യക്തമാക്കി.
നേരത്തെ രഘുറാം രാജനെ പുറത്താക്കണമെന്നാവശ്യപ്പെട്ട് സുബ്രഹ്മണ്യന്‍ സ്വാമി മോദിക്ക് കത്തെഴുതിയിരുന്നു. സ്വാമിയുടെ പരാമർശങ്ങളോട് പ്രതികരിക്കാൻ ചിദംബരം തയാറായില്ല. പ്രധാനമന്ത്രി നരേന്ദ്ര മോദിയോ ധനമന്ത്രി അരുൺ ജയറ്റ്ലിയോ ആർബിഐ ഗവര്‍ണർക്കെതിരെ പരാമർശം നടത്തിയാൽ കോൺഗ്രസ് പ്രതികരിക്കുമെന്നായിരുന്നു ചിദംബരത്തിന്റെ നിലപാട്.
