മദനിയുടെ ജാമ്യാപേക്ഷയില്‍ വാദം കേള്‍ക്കുന്നത് തിങ്കളാഴ്ചത്തേക്ക് മാറ്റി

PRO

ബാംഗ്ലൂര്‍ സ്‌ഫോടനക്കേസില്‍ ജയിലില്‍ കഴിയുന്ന പിഡിപി ചെയര്‍മാന്‍ അബ്ദുന്നാസര്‍ മദനി കര്‍ണാടക ഹൈക്കോടതിയില്‍ സമര്‍പ്പിച്ച ജാമ്യാപേക്ഷയില്‍ വാദം കേള്‍ക്കുന്നത് തിങ്കളാഴ്ചത്തേക്ക് മാറ്റി.

മദനിയുടെ ജാമ്യത്തെ എതിര്‍ത്തുകൊണ്ട് കഴിഞ്ഞ വ്യാഴാഴ്ച സര്‍ക്കാര്‍ ഹൈക്കോടതിയില്‍ സത്യവാങ്മൂലം സമര്‍പ്പിച്ചിരുന്നു. മദനിക്ക് ജാമ്യം നല്‍കരുതെന്നും കേരളം, കര്‍ണാടക, തമിഴ്‌നാട് എന്നീ സംസ്ഥാനങ്ങളിലായി മദനിക്കെതിരെ 56 കേസുകളുണ്ടെന്നുമാണ് സത്യവാങ്മൂലത്തില്‍ ബോധിപ്പിച്ചത്.

തുടര്‍ചികിത്സ വേണമെന്ന സൗഖ്യ ഹോളിസ്റ്റിക് ഹെല്‍ത്ത് സെന്‍റര്‍ നല്‍കിയ മെഡിക്കല്‍ പരിശോധനാ റിപ്പോര്‍ട്ടിന്റെ അടിസ്ഥാനത്തില്‍ ജൂണ്‍ 13-നാണ് മദനി ഹൈക്കോടതിയില്‍ ജാമ്യാപേക്ഷ നല്‍കിയത്. സ്വതന്ത്ര ചികിത്സയ്ക്കായി ജാമ്യം അനുവദിക്കണമെന്നാണ് ആവശ്യം.