പ്രധാനമന്ത്രി കോണ്‍ഗ്രസിന്റെ ശിഖണ്ഡി: പ്രശാന്ത് ഭൂഷണ്‍
ചൊവ്വ, 29 മെയ് 2012 (09:07 IST)
PRO
PRO
രാജ്യത്ത്‌ വ്യാപിച്ചു കൊണ്ടിരിക്കുന്ന അഴിമതി പ്രധാനമന്ത്രി മന്‍‌മോഹന്‍ സിംഗ് കണ്ടില്ലെന്ന് നടിക്കുകയാണെന്ന് ഹസാരെ സംഘം നേതാവ് പ്രശാന്ത് ഭൂഷണ്‍. പ്രധാനമന്ത്രിയെ കോണ്ഗ്രസ് ശിഖണ്ഡിയായി ഉപയോഗിക്കുകയാണെന്നും പ്രശാന്ത് ഭൂഷണ്‍ പറഞ്ഞു. പ്രധാന മന്ത്രിക്കെതിരെ നേരത്തെ പ്രശാന്ത് ഭൂഷണ്‍ അഴിമതി ആരോപണം ഉന്നയിച്ചിരുന്നു. ഇതിന് പിന്നാലെയാണ് ഈ ആരോപണം.
അതേസമയം, പ്രശാന്ത് ഭൂഷന്റെ പ്രസ്താവനക്കെതിരേ ആര്‍ ജെ ഡി നേതാവ് ലാലു പ്രസാദ്‌ യാദവ്‌ രംഗത്തെത്തി. രാജ്യത്തിന്റെ പ്രധാനമന്ത്രിക്കെതിരേ ഇത്തരത്തില്‍ സംസാരിക്കുന്നത്‌ തെറ്റാണെന്ന് അദ്ദേഹം പറഞ്ഞു.
പ്രശാന്ത് ഭൂഷന്റെ പ്രസ്താവനയോട് ബി ജെ പിയും പ്രതികരിച്ചിട്ടുണ്ട്. “പ്രധാനമന്ത്രിക്കെതിരെയുള്ള അനുചിതമായ വാക്കുകള്‍ സ്വീകര്യമല്ല. ഹസാരെ സംഘാംഗങ്ങള്‍ അവരുടെ ഭാഷ നിയന്ത്രിക്കാന്‍ പരിശീലിക്കണം”- ബി ജെ പി വക്താവ് രാജീവ് പ്രതാപ് പ്രതികരിച്ചു.
