മുഖ്യമന്ത്രി പിണറായി വിജയന്‍ രാജ്യത്തിന് മാതൃക കാണിക്കുന്ന ഭരണാധികാരിയാണെന്ന് തമിഴ് നടന്‍ കമല്‍‌ഹാസന്‍. ജനക്ഷേമ പ്രവര്‍ത്തനങ്ങള്‍ക്ക് ശക്തമായ ബദല്‍ ഉയര്‍ത്തുകയാണ് അദ്ദേഹം ചെയ്യുന്നതെന്ന് താരം ചെന്നൈയില്‍ പറഞ്ഞു. മോദി സര്‍ക്കാരിന്റെ ന്യൂനപക്ഷവേട്ടയ്ക്കെതിരെ നടപടിയെടുക്കണമെന്ന് ആവശ്യപ്പെട്ട് ദേശീയ മനുഷ്യാവകാശ കമീഷന് ഡിവൈഎഫ്ഐ നല്‍കുന്ന നിവേദനം പുറത്തിറക്കുകയായിരുന്നു അദ്ദേഹം.
പ്രധാനമന്ത്രിയുടെ ഇസ്രയേല്‍ സന്ദര്‍ശനത്തില്‍ തന്റേതായ നിലപാട് വ്യക്തമായി പറഞ്ഞ മുഖ്യമന്ത്രി പിണറായി വിജയന്‍ മാത്രമായിരുന്നു. മോദിയെടുത്ത തെറ്റായ നിലപാടിനെ പിണറായി വിജയന്‍ തുറന്നുകാട്ടിയത് ധീരമായ നടപടിയായിരുന്നു. മികച്ച ഭരണാധികാരിയെന്ന നിലയില്‍ തന്റെ പ്രസ്ഥാനം ഉയര്‍ത്തിപ്പിടിക്കുന്ന രാഷ്ടീയം മാത്രമല്ല രാജ്യത്താകെ ജനക്ഷേമ ഭരണത്തിനുള്ള ബദല്‍കൂടി ഉയര്‍ത്തിയാണ് പിണറായി മാതൃകയാകുന്നതെന്നും കമല്‍‌ഹാസന്‍ വ്യക്തമാക്കി.
