എക്‌സിറ്റ്‌പോള്‍ ഫലങ്ങളെ തള്ളി തമിഴ്നാട്ടില് ജയലളിത ഭരണം നിലനിര്‍ത്തി. സീറ്റുകളുടെ എണ്ണത്തില്‍ കുറവുണ്ടായെങ്കിലും അടുത്ത അഞ്ച് വര്‍ഷവും തമിഴ്നാട് ഭരിക്കാന്‍ നാടിന്റെ സ്വന്തം അമ്മയുണ്ടാകും.
ആകെ 234 അംഗങ്ങളുള്ള തമിഴ്നാട് നിയമസഭയില്‍ 126 സീറ്റും എ ഐ എ ഡി എം കെ നേടി. കോണ്‍ഗ്രസുമായി ചേര്‍ന്ന് ഡി എം കെ നടത്തിയ പോരാട്ടം 104 സീറ്റുകളില്‍ ഒതുങ്ങി. കോണ്‍ഗ്രസുമായി ചേര്‍ന്നിട്ടും തെരഞ്ഞെടുപ്പില്‍ കാര്യമായ മുന്നേറ്റം ഉണ്ടാക്കാന്‍ കഴിഞ്ഞിട്ടില്ല എന്നത് ഡി എം കെയ്ക്ക് കനത്ത തിരിച്ചടിയായി. ഭരണകക്ഷിയായ എ ഐ എ ഡി എം കെയ്ക്ക് നിലവില്‍ 150 അംഗങ്ങളാണ് ഉളളത്. 32 സീറ്റുകളാണ് ഡി എം കെയ്ക്കുള്ളത്.
പ്രചര്‍ണ രംഗത്ത് സജീവമായിരുന്ന വിജയകാന്തിന്റെ ഡി എം ഡികെയ്ക്ക് ഒറ്റ സീറ്റും പിടിക്കാന്‍ കഴിഞ്ഞിട്ടില്ല. മറ്റ് ചെറു കക്ഷികള്‍ക്കും കാര്യമായ നേട്ടങ്ങള്‍ ഉണ്ടാക്കാന്‍ കഴിഞ്ഞില്ല.