‘സഖിയും സഖാവും’ എന്നായിരുന്നു ആ ചിത്രത്തിന് പേരിട്ടിരുന്നത്. ഒരു ചെറിയ ചിത്രം ആയിരുന്നു മനസില്‍. രണ്ജി പണിക്കരെ നായകനാക്കി ചെയ്യാനായിരുന്നു എ കെ സാജന്‍റെ പദ്ധതി. കഥയുമായി സാജന്‍ രണ്‍‌ജിയെ സമീപിച്ചു. ‘സഖിയും സഖാവും’ എന്ന പേര് രണ്‍‌ജിക്ക് ഇഷ്ടമായി. എന്നാല്‍ നായകനാകണമെന്നൊക്കെ പറഞ്ഞപ്പോള്‍ രണ്ജി ബുദ്ധിമുട്ട് അറിയിച്ചു.
തിരക്കഥാകൃത്തായ എസ് എന്‍ സ്വാമി കൂടി ഈ അഭിപ്രായത്തെ പിന്തുണച്ചു. അങ്ങനെയാണ് സാജന്‍ സഖിയും സഖാവും വലിയ പ്രൊജക്ടാക്കി മാറ്റാന്‍ തീരുമാനിക്കുന്നത്. നായകനായി സാക്ഷാല്‍ മമ്മൂട്ടിയും നായികയായി നയന്‍‌താരയും എത്തിയതോടെ സിനിമയുടെ കളറാകെ മാറി. പടത്തിന് പേര് ‘പുതിയ നിയമം’ എന്നിട്ടതോടെ ഒരു മമ്മൂട്ടിച്ചിത്രത്തിന്‍റെ പഞ്ചുമായി.
