എന്തുകൊണ്ടാണ് കോട്ടയം കുഞ്ഞച്ചന് രണ്ടാം ഭാഗമുണ്ടാകാന്‍ ഇത്രയും വൈകിയത്? അതിനൊരു പ്രധാന കാരണം ഡെന്നിസ് ജോസഫിന് രണ്ടാം ഭാഗമെഴുതാന്‍ താല്‍പ്പര്യമില്ലായിരുന്നു എന്നതാണ്. തന്റെ ഒരു സിനിമയ്ക്കും രണ്ടാം ഭാഗമെഴുതാന്‍ ഡെന്നിസ് താല്‍പ്പര്യപ്പെട്ടില്ല. എന്നാല്‍ സംവിധായകന്‍ സുരേഷ്ബാബു ഈ സിനിമയ്ക്ക് രണ്ടാംഭാഗമുണ്ടാകണമെന്ന് ആഗ്രഹമുണ്ടായിരുന്നു.
അങ്ങനെയാണ് മറ്റ് തിരക്കഥാകൃത്തുക്കളെ സമീപിച്ച് രണ്ടാം ഭാഗം ചെയ്യാന്‍ ശ്രമിച്ചത്. ഉദയ്കൃഷ്ണ - സിബി കെ തോമസ് ടീമിനോട് ഡെന്നിസ് തന്നെ കോട്ടയം കുഞ്ഞച്ചന് രണ്ടാം ഭാഗമെഴുതാമോ എന്ന് ആരാഞ്ഞിരുന്നു. കിലുക്കത്തിന്‍റെ രണ്ടാം ഭാഗം അവരാണ് എഴുതിയത്. ആ ചിത്രം പരാജയപ്പെട്ടതോടെ കോട്ടയം കുഞ്ഞച്ചന്‍റെ രണ്ടാം ഭാഗമെന്ന സ്വപ്നം അവര്‍ ഉപേക്ഷിച്ചു.
ഒടുവില്‍ മിഥുന് മാനുവല്‍ തോമസ് ആ സ്വപ്നം പൂര്‍ത്തിയാക്കുകയാണ്. ആട് 2 എന്ന മെഗാഹിറ്റാണ് കോട്ടയം കുഞ്ഞച്ചന് രണ്ടാം ഭാഗം സൃഷ്ടിക്കാന്‍ മിഥുന് ധൈര്യം നല്‍കുന്നത്. വലിയ പ്രതീക്ഷയാണ് ഈ പ്രൊജക്ടിനെപ്പറ്റി നിലനില്‍ക്കുന്നത്. അതുകൊണ്ടുതന്നെ മിഥുന് ഈ പ്രൊജക്ട് കരിയറിലെ ഏറ്റവും വലിയ വെല്ലുവിളിയാകുമെന്നതില്‍ സംശയമില്ല.
