ഹാദിയയുടെ പിതാവ് അശോകനാണ് പരാതി നല്‍കിയത്. പരാതിയുല്‍ ഉന്നയിക്കുന്ന കാര്യങ്ങളിലെ നിയമവശം പരിശോധിച്ചശേഷം ഐപിസി 406 പ്രകാരം വിശ്വാസവഞ്ചനയ്ക്കാണ് കേസെടുത്തതെന്ന് വൈക്കം ഡിവൈഎസ്പി കെ.സുഭാഷ് പറഞ്ഞു. അനുവാദമില്ലാതെയാണ് രാഹുല്‍ വീട്ടില്‍ കയറിയതെന്നും ചിത്രങ്ങള്‍ പകര്‍ത്തിയതെന്നും അശോകന്‍ പരാതിയില്‍ പറഞ്ഞു.
അതേസമയം, അശോകന്റെ വാദങ്ങള്‍ അടിസ്ഥാന രഹിതമാണെന്നും എന്നിരുന്നാലും പരാതിയെ സ്വാഗതം ചെയ്യുന്നുവെന്നും രാഹുല്‍ പ്രതികരിച്ചു. ഫോട്ടോയും വീഡിയോയും പകര്‍ത്തിയത് അശോകന്റെ സാന്നിധ്യത്തിലാണെന്നും രാഹുല്‍ വ്യക്തമാക്കുന്നു.
