അനുവിനൊപ്പം വയറിളക്കം ബാധിച്ച കുട്ടികളില്‍ ഒരാള്‍ക്ക് രോഗം സ്ഥിരീകരിച്ച സാഹചര്യത്തിലാണ് അനുവിന്റെ മരണം കോളറ മൂലമാണെന്ന സംശയം ഉടലെടുത്തിരിക്കുന്നത്. അനുവിനും കോളറ ലക്ഷണങ്ങള്‍ ഉണ്ടായിരുന്നു. ഭിന്നശേഷി ഹോസ്റ്റലിലെ പത്ത് വയസുകാരനാണ് ഇപ്പോള്‍ കോളറ സ്ഥിരീകരിച്ചിരിക്കുന്നത്. ഹോസ്റ്റലിലെ പത്ത് പേര്‍ രോഗ ലക്ഷണങ്ങളോടെ ചികിത്സയിലാണ്. രോഗത്തിന്റെ ഉറവിടം കണ്ടെത്താനുള്ള പരിശോധന ആരോഗ്യവകുപ്പ് ആരംഭിച്ചിട്ടുണ്ട്.
