യുവതിയുടെ ഫോണിലേക്ക് നഗ്നദൃശ്യം അയച്ചു, സംഭാഷണം തുടര്‍ന്നോളാന്‍ പൊലീസ്; ഒടുവില്‍ മധ്യവയസ്‌കന്‍ പിടിയില്‍
പെണ്‍കുട്ടിയുടെ മൊബൈല്‍ ഫോണിലേക്ക് സ്വന്തം നഗ്നദൃശ്യം അയച്ചുകൊടുത്ത മധ്യവയസ്‌കന്‍ പിടിയില്‍. ഇരവിപുരം സ്വദേശിയായ ഇരുപതുകാരിയുടെ പരാതിയില്‍ തൃശൂർ ആമ്പല്ലൂർ സ്വദേശിയായ സജീവ് (54) പിടിയിലായി.
രണ്ട് ദിവസം മുമ്പാണ് സജീവ് പരിചയക്കാരിയായ പെണ്‍കുട്ടിയുടെ ഫോണിലേക്ക് വാട്‌സപ്പിലൂടെ നഗ്നദൃശ്യങ്ങൾ അയച്ചത്. ഇതിനു പിന്നാലെ യുവതി പരാതിയുമായി പൊലീസിനെ സമീപിച്ചു.
സജീവുമായി സംഭാഷണം തുടരണമെന്ന് പൊലീസ് നിര്‍ദേശിച്ചതോടെ യുവതി ബന്ധം തുടര്‍ന്നു. ഇതിനിടെ സൈബർസെല്‍ ജീവിന്റെ ടവർ ലൊക്കേഷൻ മനസിലാക്കി തൃശൂരിലെത്തി പിടികൂടുകയായിരുന്നു. തൃശൂരിൽ കമ്പ്യൂട്ടർ സ്ഥാപനം നടത്തുകയാണ് സജീവ്.
