യു ഡി എഫിൽ സംഭവിക്കാൻ പോകുന്ന അന്തഛിദ്രത്തിന്റെ തുടക്കമാണ് മാണി കഴിഞ്ഞദിവസം നടത്തിയ പ്രസ്താവന. ചതിയന്മാരുടെ മുന്നണിയാണ് യു ഡി എഫ് എന്ന് പറയേണ്ടി വന്നത് മുഖ്യമന്ത്രിയെ കൂടി കണ്ടു കൊണ്ടായിരിക്കും. മാണിയുടേത് വെറും വാക്കായി കാണാൻ കഴിയില്ലെന്നും ഇക്കാര്യത്തിൽ കോണ്‍ഗ്രസിന് എന്താണ് പറയാനുള്ളതെന്നും പിണറായി വിജയന്‍ ചോദിച്ചു.
നേരെ കാണുമ്പോള്‍ കെട്ടിപ്പുണരുന്നതിനിടയിലും കുതികാല്‍ വെട്ടുന്നവര്‍ രാഷ്‌ട്രീയത്തിലുണ്ടെന്നായിരുന്നു മാണിയുടെ പ്രസ്താവന. എന്നാല്‍, കുഞ്ഞാലിക്കുട്ടിയെ നമ്പാന്‍ കൊള്ളാമെന്നും കൂടെ നില്‍ക്കുന്നവരെ ചതിക്കില്ലെന്നും മാണി പറഞ്ഞിരുന്നു.
