ലൈഫ് പദ്ധതിയിലൂടെ ലഭിച്ച വീടുകള്‍ വില്‍ക്കുന്നതിനും കൈമാറ്റം ചെയ്യുന്നതിനുമുള്ള കാലാവധി ഉയര്‍ത്തി. ഇതുവരെ ഏഴുവര്‍ഷമായിരുന്നു സര്‍ക്കാരിന്റെ ലൈഫ് പദ്ധതിയിലൂടെ ലഭിച്ച വീടുകള്‍ വില്‍ക്കുന്നതിനുള്ള കാലാവധി. എന്നാലിത് 12 വര്‍ഷമായി നീട്ടിയിരിക്കുകയാണ്. ചെറിയ കാലയളവ് ലൈഫ് പദ്ധതിയെ ദുരുപയോഗം ചെയ്യുമെന്നത് കണ്ടെത്തിയതിന് പിന്നാലെയാണ് കാലയളവില്‍ മാറ്റം കൊണ്ടുവന്നത്. പിഎംഎവൈ, തദ്ദേശസ്വയംഭരണ സ്ഥാപനങ്ങള്‍ എന്നിവയുടെ സഹായത്തോടെ ലഭിക്കുന്ന വീടുകള്‍ക്കും ഇതേ നിബന്ധന ബാധകമാണ്.
