ഭാര്യയെ സംശയിച്ച് വര്‍ക്കലയില്‍ നവവധുവിനെ ഭര്‍ത്താവ് നിലവിളക്കുകൊണ്ട് തലയ്ക്കടിച്ചു കൊലപ്പെടുത്തി. ആലപ്പുഴ സ്വദേശി നിഖിതയാണ് മരണപ്പെട്ടത്. 26 വയസ്സായിരുന്നു. സംഭവത്തില്‍ ഭര്‍ത്താവ് 35കാരനായ അനീഷിനെ വര്‍ക്കല പോലീസ് കസ്റ്റഡിയിലെടുത്തിട്ടുണ്ട്. പുലര്‍ച്ചെ രണ്ടു മണിയോടെയാണ് സംഭവം നടന്നത്. ഭാര്യയോട് അനീഷിനുള്ള സംശയമാണ് കൊലപാതകത്തിന് പിന്നിലെന്ന് പോലീസ് പറയുന്നു. മൂന്നുമാസം മുമ്പായിരുന്നു ഇരുവരുടെയും വിവാഹം നടന്നത്.
