തെരഞ്ഞെടുപ്പില്‍ കയ്‌പമംഗലം സീറ്റില്‍ നിന്ന് മത്സരിക്കുന്ന ടി എന്‍ പ്രതാപനെതിരെ യുവനേതാവ് ഡീന്‍ കുര്യാക്കോസ്. പ്രതാപന്റെ ആദര്‍ശ പൊയ്‌മുഖം അഴിഞ്ഞുവീണെന്ന് ആരോപണം ഉന്നയിച്ച ഡീന്‍ സ്ക്രീനിംഗ് കമ്മിറ്റി അംഗീകരിച്ച കെ എസ് യു നേതാവിന്റെ സീറ്റാണ് പ്രതാപന് തട്ടിയെടുത്തതെന്നും പറഞ്ഞു. ആദര്‍ശമുണ്ടായിരുന്നെങ്കില്‍ ഈ യുവാവിന് സീറ്റ് നല്കണമായിരുന്നെന്നും അദ്ദേഹം വ്യക്തമാക്കി.
എന്നാല്‍, പ്രതാപന് കയ്‌പമംഗലം സീറ്റ് നല്കാന്‍ ഡല്‍ഹിയില്‍ ചേര്‍ന്ന കോണ്‍ഗ്രസ് സ്ക്രീനിംഗ് കമ്മിറ്റി തീരുമാനിച്ചിരുന്നു. വാര്‍ത്ത പുറത്തു വന്നതിനു പിന്നാലെ രാഹുല്‍ ഗാന്ധി നിര്‍ബന്ധിച്ചിട്ടാണ് താന്‍ മത്സരിക്കുന്നതെന്ന് പ്രതാപന് വ്യക്തമാക്കിയിരുന്നു.
