തൃശൂര്‍ കോര്‍പ്പറേഷന്‍ ഇടതുമുന്നണിക്ക്. സി പി എമ്മിലെ അജിത ജയരാജന്‍ ആണ് തൃശൂര്‍ കോര്‍പ്പറേഷന്റെ പുതിയ മേയര്‍. 26 വോട്ട് ലഭിച്ചാണ് അജിത മേയര്‍ ആയി തെരഞ്ഞെടുക്കപ്പെട്ടത്. എന്നാല്‍, യു ഡി എഫ് സ്ഥാനാര്‍ത്ഥിയും മന്ത്രി സി എന്‍ ബാലകൃഷ്‌ണന്റെ മകളുമായ സി ബി ഗീതയ്ക്ക് 23 വോട്ടുകള്‍ നേടാനേ കഴിഞ്ഞുള്ളൂ.
അതേസമയം, ബി ജെ പി വോട്ടെടുപ്പില്‍ നിന്ന് വിട്ടുനിന്നു. ബി ജെ പിക്ക് ആറ് അംഗങ്ങളാണ് ഉള്ളത്. 55 അംഗ കൗണ്‍സിലില്‍ കേവല ഭൂരിപക്ഷത്തിന് 28 പേര്‍ വേണം. മുന്നണി സ്വതന്ത്രര്‍ ഉള്‍പ്പെടെ 25 പേരുടേയും ഒരു സ്വതന്ത്രന്റെയും വോട്ടാണ് അജിതക്ക് ലഭിച്ചത്.
