വീട്ടമ്മയുടെ മാല പൊട്ടിച്ച് ഓടിയ കള്ളന് നീണ്ട മുടി ‘പാര’യായി. മാല മോഷ്ടിച്ച് 30 മിനുട്ടിനകം കള്ളന് പൊലീസ് പിടിയിലായി. തിരുവനന്തപുരം തകരപ്പറമ്പില്‍ രാവിലെ എട്ട് മണിക്കായിരുന്നു സംഭവം. വഴിയാത്രക്കാരിയായ സൗദാബീവിയുടെ മൂന്നു പവന്‍ മാല പൊട്ടിച്ചു ഓടിയ പുളിയറക്കോണം സ്വദേശി റോബി(28) ആണ് ഫോര്‍ട്ട് പൊലീസിന്റെ പിടിയിലായത്.
റോബിന്റെ നീണ്ടമുടിയാണ് ഇയാളെ വേഗം തിരിച്ചറിയാനും കണ്ടെത്താനും സഹായിച്ചതെന്ന് പൊലീസ് അറിയിച്ചു. കണ്‍ട്രോള്‍ റൂം വാഹനത്തില്‍ തിരച്ചില്‍ നടത്തുന്നതിനിടെ എസ്പി ഫോര്‍ട്ട് ആശുപത്രിക്ക് സമീപത്തു നിന്നും നാട്ടുകാരുടെ സഹായത്തോടെ രോബിയെ പിടികൂടുകയായിരുന്നു. മാലയും കണ്ടെടുത്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
