സ്പീക്കര്‍ പി ശ്രീരാമകൃഷ്ണന്‍ ദുരുദ്ദേശത്തോടെ തന്നെ ഫ്‌ളാറ്റിലേക്ക് വിളിച്ചുവെന്ന് സ്വര്‍ണക്കടത്തുകേസ് പ്രതി സ്വപ്‌ന സുരേഷിന്റെ മൊഴി. എന്നാല്‍ നിരവധിതവണ തന്നെ ഇത്തരത്തില്‍ വിളിച്ചിട്ടും താന്‍ തനിച്ചുപോയില്ലെന്നും സ്വപ്‌ന മൊഴിയില്‍ പറയുന്നു. എന്‍ഫോഴ്‌സ്‌മെന്റ് ഹൈക്കോടതിയില്‍ നല്‍കിയ രണ്ടാം റിപ്പോര്‍ട്ടിലാണ് പി ശ്രീരാമകൃഷ്ണനെതിരെ ഗുരുതര ആരോപണം ഉള്ളത്.
സ്പീക്കറുടെ താല്‍പര്യത്തിന് വഴങ്ങാത്തതിന് തന്നെ മിഡില്‍ ഈസ്റ്റ് കോളേജിന്റെ ചുമതലയില്‍ നിന്ന് ഒഴിവാക്കിയതായും പറയുന്നു. അതേസമയം യുഎഇ കോണ്‍സുലേറ്റില്‍ നിന്ന് രാജിവയ്ക്കുന്ന കാര്യം മുഖ്യമന്ത്രിയെ നേരില്‍ കണ്ട് അറിയിച്ചിരുന്നതായും സ്വപ്‌ന മൊഴിയില്‍ പറയുന്നു.